ऑनलाईन चक्री जुगारावर छापा

बीड (रिपोर्टर) ऑनलाईन चक्री चालवून लाखोंची उलाढाल करणार्‍यावर बीड शहर पोलिसांनी कारवाई करत त्याला अटक केली. ही कारवाई 1 डिसेंबर रोजी शहरातील जुनी भाजी मंडई पिंगळे गल्ली येथे करण्यात आली.
शहरात काही भागात ऑनलाईन चक्री जुगार मोठ्या प्रमाणात सुरू आहे. यातून लाखोंची उलाढाल होते. बीड शहर पोलीस ठाण्याच्या हद्दीतील जुनी भाजी मंडई येथील पिंगळे गल्लीसमोर ऑनलाईन चक्री सुरू असल्याची माहिती पोलिसांना मिळाली होती. त्यानंतर शहर ठाण्याचे प्रमुख रवी सानप यांनी एक पथक पाठवून त्या चक्रीवर धाड टाकली. या वेळी सचीन अंबादास काळे (रा. कबाड गल्ली बीड याला पोलिसांनी ताब्यात घेतले. त्याच्याकडून लॅपटॉप, कॉम्प्युटर, ऑनलाई चक्रीसाठी लागणारे साहित्य जप्त केले. ही कारवाई सय्यद अशफाक, सं.पो.नि.अंतरप, सहाय्यक फौजदार सिरसाट, सानप यांनी केली.