बीड (रिपोर्टर)जालना शहरातील सोनी रेसिडेन्सी, श्रीहरी नगर, मोंढा रोड, जालना येथे दिनांक 20,21 आणि 22 जानेवारी रोजी महाराष्ट्र ट्रेड फेअरचा महा एक्सपो आयोजित करण्यात आला असून बीड जिल्ह्यातून हजारो नागरिक जाणार असल्याचे प्रतिपादन माहेश्वरी सभेचे बीड जिल्हाध्यक्ष प्रदीप चितलांगे यांनी केले आहे.
सदरील महा एक्सपो मध्ये राज्यसह भारतातील विविध कंपन्यांचे स्टॉल लागणार असून माहेश्वरी समाजाचे राज्यस्तरीय स्नेहसंमेलन संपन्न होणार आहे. युवकांना व्यवसाय प्रति जिज्ञासा, आकर्षण निर्माण होऊन समाजातील युवकांनी मोठ्या प्रमाणात व्यवसाय सुरू करावा ही या संमेलना मागील भूमिका असून बीड जिल्ह्यातून हजारो युवक व्यवसायिक या महा एक्सपोसाठी जालना शहरात जाणार असल्याची माहिती माहेश्वरी सभेचे जिल्हाध्यक्ष यांनी दिली आहे. समाजातल्या सर्व स्तरांतील बंधु भगिनीसाठी ही एक सुवर्ण संधी असुन सर्वांनी सहभागी व्हावे असे आवाहन जिला माहेश्वरी सभेच्या वतीने जिलाध्यक्ष प्रदीप चितलांगेसह सर्व पदाधिकारी यांनी केले आहे.
जालना येथील ‘महाराष्ट्र ट्रेड फेअर एक्सपो’साठी बीड जिल्ह्यातून हजारो नागरिक जाणार -चितलांगे
