बीड (रिपोर्टर) सर्वजण शेतात खुरपण्यासाठी गेले असता आज दीड वाजता चोरट्यांनी शेतकर्‍याचं घर फोडून घरातील सोन्या-चांदीच्या दागिन्यांसह रोख 20 हजार रुपये असा एकूण 3 लाखांचा ऐवज लंपास केल्याची घटना घडली. या प्रकरणी तलवाडा पोलिसांना माहिती दिली असून पोलिस घटनास्थळी दाखल झाले आहेत.
तलवाडा पोलिस ठाण्याच्या हद्दीतील काठोडा येथील भीमराव महाराज चव्हाण हे आपल्या कुटुंबियासोबत राहतात. घरा शेजारीच त्यांची शेती आहे. कुटुंब शेतात खुरपण्यासाठी गेले असता आज दुपारी दीड वाजता अज्ञात चोरट्यांनी त्यांच्या घरात प्रवेश करत घरातील सोन्या-चांदीचे दागिने आणि रोख 20 हजार रुपये घेऊन चोरटे पसार झाले. ते दुपारी जेवणासाठी घराकडे आले असता आपल्या घरात चोरी झाल्याचे त्यांच्या निदर्शनास आले. या प्रकरणी तलवाडा पोलिसांना माहिती दिली असून पोलीस दुपारी उशीरा घटनास्थळी दाखल झाले होते.
काठोड्यात भरदिवसा घरफोडी, तीन लाखांचा ऐवज लंपास
