पाटोदा (रिपोर्टर ) आ.सुरेश धस यांच्या वाढदिवसानिमित्ताने अंमळनेर जिल्हा परिषद गटामध्ये भाऊसाहेब भवर यांच्या वतीने 32 वर्षे एकनिष्ठेचे 32 वर्षे समाजसेवेचे निमित्त आण्णा पर्व उत्सव आयोजित केला असून या निमित्ताने दि.31 जानेवारी ते 2 फेब्रुवारी पर्यंत विविध कार्यक्रम आयोजित केले असून या कार्यक्रमाला अंमळनेर गटातील व पाटोदा तालुक्यातील जनतेने व आ.धस समर्थक यांनी उपस्थित रहावे असे आवाहन भाऊसाहेब आण्णा भवर यांनी केले आहे.
आ.सुरेश धस यांच्या वाढदिवसानिमित्ताने भाऊसाहेब भवर यांच्या वतीने आण्णा पर्व उत्सव आयोजित करण्यात आला असून यामध्ये दिनांक 31 जानेवारी रोजी सायंकाळी सहा वाजता अंमळनेर येथे गौतमी पाटील यांचा सांस्कृतिक कार्यक्रम आयोजित केला असून दि.1 फेब्रुवारी रोजी पिंपळवंडी येथे भव्य रक्तदान शिबिर, शुगर, बीपी, इसीजी,रक्तगट, जनरल चेकअप, युनिटी हॉस्पिटल जामखेड यांच्यावतीने आयोजित करण्यात आले असून दि.2 रोजी सकाळी सहा वाजता महादेव दरा येथे महा अभिषेक करण्यात येणार असून त्याचप्रमाणे सकाळी 11 वाजता अंमळनेर सर्कल मधील सरपंच,
उपसरपंच व सदस्य यांचा भव्य सत्कार सोहळा आयोजित करण्यात आला असून दुपारी 2 वाजता मुगगांव भव्य जंगी कुस्त्यांचा मैदान कार्यक्रम आयोजित केला असून यामध्ये प्रथम बक्षीस 2 लाख 51 हजार रुपये भाऊसाहेब भवर,दुसरे बक्षीस 1 लाख 51 हजार अड.प्रकाश कवठेकर तर तिसरे बक्षीस 1 लाख 10 हजार उद्धवशेठ पवार अमळनेर,चौथे बक्षीस 51 हजार संदेश सानप सरपंच सावरगाव घाट, पाचवे बक्षीस 51 हजार निलेश मोरे सरपंच पिंपळवंडी,सहावे बक्षीस 51 हजार रवींद्र केकान, सातवे बक्षीस 51 हजार बंडू गाडे,आठवे बक्षीस 22 हजार 222 दादा धनवडे मा.उपसभापती पंचायत समिती पाटोदा यांच्या वतीने देण्यात येणार असून या कार्यक्रमास प्रमुख उपस्थिती आ.सुरेश धस हे उपस्थित राहणार असुन त्यांचा भव्य सत्कार सोहळा आयोजित केला असुन या कार्यक्रमास भाजपा जिल्हाध्यक्ष राजेद्र मस्के,रमेश आडसकर,एडोकेट प्रकाश कवठेकर,महेंद्र गर्जे,अमरराजे निंबाळकर,संजय नवले,सय्यद आबुशेठ, शिवनाथ पवार,सुखदेव सानप सह आदिजण उपस्थित राहणार असून या भव्य दिव्य कार्यक्रमास अंमळनेर जिल्हा परिषद गटासह तालुक्यातील नागरिकांनी मोठ्या संख्येने उपस्थित राहावे असे आवाहन भाऊसाहेब आण्णा भवर यांनी केले आहे.
आ.सुरेश धस यांच्या वाढदिवसानिमित आण्णा पर्व उत्सव कार्यक्रमाला उपस्थित रहावे- भाऊसाहेब भवर
