गेवराई (रिपोर्टर): जय भवानी सहकारी साखर कारखान्याच्या संचालक मंडळाची आज महत्वपुर्ण बैठक झाली. या बैठकीमध्ये कारखान्याच्या चेअरमनपदी माजी आमदार अमरसिंह पंडित यांची निवड करण्यात आली तर उपचेअरमनपदी भाऊसाहेब नाटकर यांची निवड झाली. नाटकर हे या कारखान्यात कर्मचारी म्हणून होते. ते आज उपाध्यक्ष झाले. उपस्थित संचालकांनी अध्यक्ष-उपाध्यक्षांचे अभिनंदन केले.
गेवराई तालुक्यासह परिसरातील शेतकर्‍यांचा आर्थिक कणा म्हणून ओळखणार्‍या जाणार्‍या जयभवानी साखर कारखान्याच्या संचालक मंडळाची महत्वपूर्ण बैठक कारखान्यावर झाली. या बैंकीमध्ये उपस्थित संचालकांनी कारखान्याचे अध्यक्षपद हे माजी आ. अमरसिंह पंडित यांच्याकडे सोपविण्याचा निर्णय घेतला तर उपाध्यक्ष म्हणून भाऊसाहेब नाटकर यांच्याकडे जबाबदारी देण्यात आली. अध्यक्ष-उपाध्यक्षपदाची निवड ही बिनविरोध झाली. भाऊसाहेब नाटकर हे या कारखान्यामध्ये कर्मचारी म्हणून काम पाहत होते. कारखान्याचे कर्मचारी ते उपाध्यक्ष असा नाटकर यांचा प्रवास आजच्या निवडीतून पहायला मिळाला. अध्यक्ष-उपाध्यक्षांचे उपस्थितांनी अभिनंदन केले.
