आष्टी तालुक्यात ठिकठिकाणी चक्का जाम

आष्टी ( रिपोर्टर):- जालना जिल्ह्यातील आंतरवाली सराटी गावात मनोज जरांगे पाटील यांनी मराठा आरक्षणासाठी सुरू केलेल्या उपोषणाला पाठिंबा देत आष्टी तालुक्यात मराठा क्रांती मोर्चाच्या वतीने आज गुरुवार 7 सप्टेंबर 2023 रोजी सकाळी 10 ते 12 या वेळेत तालुक्यातील 7 ठिकाणी चक्का जाम आंदोलन करण्यात आले यावेळी एक मराठा लाख मराठा आरक्षण आमच्या हक्काचे नाही कुणाच्या बापाचे,कोण म्हणत देत नाही घेतल्याशिवाय राहत नाही अशा घोषणांनी परिसर दणाणला होता
मराठा क्रांती मोर्चाने बीड जिल्हा पुकारलेल्या चक्का जाम ला आष्टी तालुक्यात मोठ्या प्रमाणावर मराठा समाज बांधवांनी प्रतिसाद देत आष्टी तालुक्यातील आष्टी शहर, कडा,धामणगाव, धानोरा,खडकत, चिंचपूर, डोईठाण या ठिकाणी सकाळी 10 ते 12 यावेळेत चक्का जाम आंदोलन झाले यावेळी मोठ्या संख्येने मराठा समाज बांधव चक्का जाम आंदोलनाला मराठा समाजाला आरक्षण मिळावे यासाठी शेकडोंच्या संख्येने एकवटले होते.