चौसाळ्यात 9 लाखांचा गुटखा पकडला
बीड (रिपोर्टर)- चौसाळा येथे एका वाहनात गुटखा असल्याची माहिती कुमावतांच्या पथकाला मिळाल्यानंतर पोलिसांनी त्याठिकाणी काल धाड मारली. या वेळी एका वाहनासह लाखोंचा गुटखा पोलिसांनी जप्त केला.
चौसाळा येथील इंडियन ऑईल पंपाच्या समोर एका इनोव्हा कार (क्र. एम.एच. 12 जी. 1777) मध्ये गुटखा असल्याची माहिती कुमावत यांना मिळाली असता त्यांनी आपलं पथक पाठवून कारची तपासणी केली असता त्यामध्ये मोठ्या प्रमाणात गुटखा आढळून आला. पोलिसांनी वाहनासह गुटखा जप्त केला. या प्रकरणी राजाभाऊ बाबासाहेब काठोळे, नरसिंह प्रभूरामचंद्र पवार (दोघे रा. गोसापुरी ता. बीड) व संतोष सखाराम कुटे यांच्या विरोधात नेकनूर पोलिसात गुन्हा दाखल करण्यात आला आहे. पुढील तपास पो.उप.नि. रोकडे हे करत आहेत.
