किरकोळ कारणावरून
कुर्‍हाडीने हल्ला; एक गंभीर
बीड (रिपोर्टर)- जुन्या भांडणाची कुरापत काढून एकाने डोक्यात कुर्‍हाड घातली. तो वार चुकवत हाताला लागल्याने गंभीर जखमी झाला आहे. या प्रकरणी केज पोलिस ठाण्यात गुन्हा दाखल करण्यात आला आहे.
मुफसिल मुजम्मील कुरेशी (वय 22, रा. कुरेशी मोहल्ला केज) याने दिलेल्या फिर्यादीत म्हटले आहे की जुन्या भांडणाची कुरापत काढत शेख सईद शेख सुरज (रा. कुरेशी मोहल्ला केज) याने जिवे मारण्याच्या उद्देशाने कुर्‍हाडीने हल्ला केला. यामध्ये मुफसिल कुरेशी गंभीर जखमी झाला आहे. या प्रकरणी केज पोलिस ठाण्यात कलम 307, 506 भा.दं.वि.नुसार गुन्हा दाखल करण्यात आला असून पुढील तपास पो.नि. पाटील हे करत अहेत.
