वडवणी (रिपोर्टर):- शिवसेना पक्षातील प्रमुख नेते तथा राज्याचे नगर विकास मंत्री एकनाथ शिंदे सह अन्य मंत्री व तब्बल 40 पेक्षा आमदारांनी केलेल्या बंडाच्या विरोधात वडवणी येथील शिवसेना कार्यकर्ते रस्त्यावर उतरुन निषेध केला आहे.
वडवणी तालुका शिवसेनेच्या वतीने आज सकाळी 10 वाजता शहराचे मुख्य प्रवेशद्वार असणाऱ्या छत्रपती शिवाजी महाराज चौक याठिकाणि बंडखोर मंत्री एकनाथ शिंदे सह अन्य मंत्री आणि आमदारांचा जाहिर निषेध करण्यात आला यावेळी जय भवनी जय शिवाजी, स्व.बाळासाहेब ठाकरे यांचा विजयी असो,उध्दव ठाकरे साहेब तुम आगे बडो,हम तुम्हारे साथ है!,पाऊस पडला गारांचा बंडखोर मंत्र्यासह आमदार….चे यासह अन्य घोषणा देण्यात आल्या आहेत.तर बंडखोरी करणाऱ्याला आता शिवसेना माफ करणार नाही तर ज्यांना शाखाध्यक्ष, नगरसेवक, आमदार आणि मंत्री केले आशा लोकांनी पदाच्या आणि ईडी कार्यवाहीच्या भितीपोटी बंड केले आहे.बंडखोरांची लायकी नसताना शिवसेना आणि ठाकरे परिवारावर आरोप केले,त्यांच्या कामगिरीवर प्रश्‍नचिन्ह निर्माण केले आहेत.हि सर्व कयामत सुरज आणि गुहाहटी मध्ये बसून केली आहे.यामुळे अशा भित्र्या मंत्र्यांना शिवसेना कदापी हि माफ करणार नसून सामान्यांतील सामान्य कार्यकर्ता शिवसेनेच्या पाठीशी खंबीरपणे उभा होता आणि भविष्यात देखील राहणार आहे.त्यामुळे बंडखोरांनी राजीनामे द्यावेत आणि खुशाल जिकड जायचे आहे तिकडे जावे अशी भूमिका यावेळी कार्यकर्त्यांनी मांडत या भूमिकेचा जाहिर निषेध व्यक्त केला असून या निषेधात शिवसेनेचे वडवणी तालुक्यातील शेकडो कार्यकर्ते उपस्थित होते.
