खोक्याला अटक करा, धस राजीनामा द्या;शिरूर कडकडीत बंद, उत्स्फूर्त मोर्चा;पोलिसांसह धसांविरोधात घोषणाबाजी

हरण तस्कर खोक्याला तात्काळ अटक करा
धसांचाही गुन्ह्यात समावेश करा
शिरूर (रिपोर्टर): कुख्यात गुंड तथा हरण तस्कर सतीश भोसले ऊर्फ खोक्याला तात्काळ अटक करण्यात यावी, या प्रमुख मागणीसह अन्य मागण्यांसाठी आज शिरूर बंदची हाक देण्यात आली होती. शिरूर कडकडीत बंद होऊन या प्रकरणीच त्याठिकाणी बंदकर्त्यांनी मोर्चा काढला. या वेळी सतीश भोसलेला तात्काळ अटक झालीच पाहिजे या घोषणेसह आ. सुरेश धस यांच्या राजीनाम्याची मागणी करणारी घोषणा देण्यात आल्या. मोर्चामध्ये हजारोंच्या संख्येने लोकांची मोठी उपस्थिती होती.
   ढाकणे कुटुंबावरील हल्ल्याच्या निषेधार्थ आज शिरूर कासार बंद करण्यात आलं आहे. सतीश भोसलेला अटक करण्याची आणि एसआयटी चौकशी करण्याची मागणी मोर्चेकर्‍यांकडून केली जात आहे. आरोपीला वाचवण्यात आमदार सुरेश धस यांचा सहभाग असल्याचा आरोप यावेळी करण्यात आला आहे. या मोर्चात शेकडो लोक सहभागी झाले असून सहा मागण्या करण्यात आल्या आहेत.

बीडच्या शिरूरकासार येथील सतीश भोसले उर्फ खोक्या भाई याच्यावर गुन्हा दाखल होऊन देखील तो अद्याप फरार आहे. ढाकणे कुटुंबाच्या मारहाणीच्या निषेधार्थ आणि खोक्याला तात्काळ अटक करा, या मागणीसाठी आज शिरूर शहर बंदची हाक देण्यात आली आहे. तसेच येथील पोलीस ठाण्यावर आक्रोश मोर्चा काढण्यात आला आहे. या मोर्चात शेकडो लोक सहभागी झाले आहेत. या मोर्चामध्ये ओबीसी नेते लक्ष्मण हाके, नवनाथ वाघमारे यांच्या सह अनेक जन सहभागी झाले आहेत. सकाळी 9 वाजता हा आक्रोश मोर्चा निघाला आहे. आरोपीला वाचवणार्‍या भाजप आमदार सुरेश धस यांना सहआरोपी करा, अशी मागणी या मोर्चेकर्‍यांनी केली आहे. या मोर्चात एकूण सहा मागण्या करण्यात आल्या.

या मोर्चात ढाकणे कुटुंबीयही सहभागी झाले होते. यावेळी महेश ढाकणे यांनी प्रतिक्रिया व्यक्त केली. सतीश भोसलेची एसआयटी चौकशी करा. आम्हाला राहायची भीती वाटते रात्रभर झोप येत नाही. माझ्या वडिलांचे दात पडलेत, माझा पाय फॅक्चर झालाय. त्याने कमीत कमी 200 हरणं मारले आहेत. त्यामुळे त्याची डखढ चौकशी व्हायला पाहिजे. त्याला लवकरात लवकर अटक करा. आमच्या जीवाला पुन्हा धोका आहे, असं महेश ढाकणे म्हणाले. आज सकाळी शिरूर बंद ठेवून व्यापार्‍यांनी आंदोलनाला पाठिंबा दिला. मोर्चामध्ये मोठ्या संख्येने लोकांची उपस्थिती होती.

मोर्चेकर्‍यांच्या मागण्या
सतीश भोसले उर्फ खोक्या आणि त्याचे सहकारी हरणाची तस्करी करणे, त्यातून भरपूर पैसे कमवणे हा मुख्य व्यवसाय करतात. त्यासाठी त्याला वनविभागाचा राजकीय वरदहस्त असून या सर्व प्रकरणाची चौकशी करावी. तसेच वन्यजीव कायद्यानुसार गुन्हा दाखल करावा.
ढाकणे कुटुंबीयाला मारहाण झाल्यानंतर शिरूर पोलीस ठाण्यातील पोलीस निरीक्षक धोकरट यांनी ढाकणे कुटुंबाची तक्रार घेतली नाही.
यामुळे ढाकणे कुटुंबाला पोलीस अधीक्षकांकडे जावे लागले. परंतु त्या ठिकाणीही तक्रार घेतली नाही, याबाबतची चौकशी करावी.
या सर्व घटनाक्रमामध्ये ओबीसी समाजाच्या गरीब कुटुंबावर पोलीस प्रशासनाकडून अन्याय कोणाच्या दबावाखाली झाला. याबाबतची चौकशी करावी.
आमदार सुरेश धस आरोपीस वाचवण्यासाठी उघड सहकार्य करत असल्याचे दिसून येत असताना त्यांना सहआरोपी करावे.
यासह सतीश भोसले यांचे आणखी कुठले अवैधधंदे आहेत. या सर्वांचा शोध घ्यावा.