शहरातील तरुण-तरुणींमध्ये याचा खूप मोठा प्रभाव.
बीड (रिपोर्टर) :-
सध्या फॅशनचा जमाना बदलला आहे. त्यातून लोकांना आता ओव्हरसाईज्ड कपडे जास्त पसंत पडत आहेत. आता लोकं फॅशनमध्ये देखील कम्फर्ट शोधत आहेत. लहान मुलांपासून ते अगदी प्रौढांपर्यंत कपड्यांची फॅशन ही चांगलीच बदलताना दिसते आहे. ओव्हरसाईज्ड कपडे हे मेन्सवेअर, वुमन्सवेअरसोबत लहान मुलांच्या कपड्यांमध्येही येऊ लागले आहेत. बॉलिवूडमध्ये तर ओव्हरसाईज्ड कपड्यांची फॅशन अगदी जोरात आहे. सेलिब्रेटींना या कपड्यांसाठीही चांगलेच फॉलो केले जाते. परंतु नक्की ओव्हरसाईज्ड फॅशन कशी करावी? यासाठीही काही टीप्स जाणून घेणे योग्य ठरेल.
प्रत्येक जण आपापल्या कम्फर्टने, आपल्याला हवी तशी फॅशन करत असतो. त्यामुळे ओव्हरसाईज्ड कपड्यांमध्येही हवी तशी फॅशन करता येते. आता फॅशनला म्हणावं तसं काही मोजमाप राहिलेले नाही. त्यामुळे अशावेळी आपल्याला अनेक पर्यायही उपलब्ध असतात.
जॅकेट्स
ओव्हरसाईज्ड जॅकेट्स हे अगदी फॅशनेबल असतात. त्यातूनही यात डेनिमपासून अगदी नायलॉन, कॉटनमध्येही ओव्हरसाईज्ड जॅकेट्स आहेत. कोणत्याही ऋतूला सुट होतील असे हे जॅकेट्स आहेत. त्यामुळे तुम्ही जॅकेट्ससोबत बेल बॉटम पॅन्ट, स्कर्ट, ट्राऊझर्स, पलाझो परिधान करू शकता.
बॅगी पॅन्ट्स
ओव्हरसाईज पॅन्ट जीन्स आणि ट्राऊझर्समध्ये आपल्याला अगदीच कम्फर्टेबल वाटते. यावर लूज टॉप किंवा शर्ट असतात. यावर तुम्ही ब्लेझर परिधान केलेत तर ते नक्कीच स्टायलिश वाटते.
बॉयफ्रेंड शर्ट
बॉयफ्रेंड शर्टचा ट्रेंडही सध्या खूप पाहायला मिळतो आहे. हा सैल आणि आरामदायी आहे. तुम्ही हा शर्ट जीन्स किंवा शॉर्ट्ससोबत घालू शकता. लूक अजून उठून दिसण्यासाठी तुम्ही शर्टवर बेल्ट लावू शकता.
आजच्या तरुणाईसाठी फॅशन ही केवळ देखाव्यापुरती नाही, ती व्यक्तिमत्त्वाची अभिव्यक्ती आहे. यामध्ये ‘ओव्हरसाईज’ कपड्यांनी एक वेगळीच जागा मिळवली आहे.
आरामदायक, स्टायलिश आणि ट्रेंडी हे सगळे गुण या लूकमध्ये आहेत. Whyt One सारख्या ब्रँड्सने या स्टाइलला आधुनिक टच दिला असून शहरातील तरुण-तरुणींमध्ये याचा खूप मोठा प्रभाव दिसतो आहे.
जिथे स्टाईल आणि आराम एकत्र येतात – तिथे खरी ओळख बनते.
