पुण्यातून तरुणाला अटक
पुणे (रिपोर्टर): भाजपच्या राष्ट्रीय नेत्या तथा राज्याच्या कॅबिनेट मंत्री पंकजा मुंडे या गेल्या काही दिवसापासून अभद्र मेसेज आणि कॉल करून त्रास देण्यार्‍या लफंग्यास पोलिसांनी रात्री पुणे येथून अटक केले अटक करण्यात आलेल्या तरुणाचे नाव अमोल काळे असून तो परळी येथील असल्याचे सांगण्यात येते . गेल्या काही दिवसांपासून तो पंकजा मुंडेंना कॉल आणि मेसेजद्वारे त्रास देत होता. या प्रकरणी पंकजा मुंडे यांच्या कार्यालयाने सायबर पोलिसात तक्रार दाखल केली होती. त्यानंतर सायबर पोलिसांनी बीएनएसच्या कलम 78 आणि 79 तसंच आयटी कायद्याअंतर्गत गुन्हा दाखल केला. सायबर पोलिसांनी भोसरी पोलिसांच्या मदतीने आरोपी अमोल काळेला अटक केली.सदरची कारवाई हि सायबर पोलिसांनी भोसरी पोलिसांच्या मततीने केली
अमोल काळे (25) पंकजा मुंडे यांना अश्‍लील मेसेज आणि कॉल करुन त्रास देत होता. या प्रकरणी मुंबईतील नरिमन पॉइंट येथील महाराष्ट्र भाजप कार्यालयात सोशल मीडिया समन्वयक निखिल भामरे (26) यांनी तक्रार दाखल केली होती. आरोपी काळे हा गेल्या काही दिवसांपासून पंकजा मुंडे यांना कॉल आणि मेसेज द्वारे त्रास देत होता. अखेर भामरे यांनी तक्रार दिल्यानंतर पोलिसांनी भारतीय न्याय संहिता (इछड) च्या कलम 78 आणि 79 अंतर्गत माहिती तंत्रज्ञान कायद्याच्या संबंधित तरतुदींसह एफआयआर नोंदवला.आरोपी काळेचे मोबाईलचे लोकेशन शोधून काढले. ते पुण्यातील असल्याची माहिती समोर आली. त्यानंतर सायबर पोलिसांनी पुण्यातील भोसरी पोलिस स्टेशनच्या अधिकार्‍यांच्या मदतीने काळेला ताब्यात घेतले.
पोलिसी खाक्या दाखविताच आरोपी अमोल काळे याने आपणच मुंडे यांना अश्‍लील मॅसेज व कॉल करत असल्याचे कबूल केले. यानंतर त्याला अटक केली आणि मुंबईला आणण्यात आले.अमोल काळे हा विद्यार्थी असून तो बीड जिल्ह्यातील परळी तालुक्यातील रहिवाशी असल्याचे समजते. त्याने अश्‍लील भाषा का वापरली, तसेच छळ करण्याच्या वर्तनामागील त्याचा हेतू काय याचा तपास सध्या करण्यात येत आहे, अशी माहिती एका अधिकार्‍याने दिली.