गेवराई (रिपोर्टर) पोलिस ठाण्यात दिलेली तक्रार परत का घेत नाही? असे म्हणत कुर्‍हाडीच्या दांड्याने माय लेकराला गंभीर मारहाण केल्याची घटना तलवाडा पोलिस ठाण्याच्या हद्दीत घडली. याप्रकरणी काल तलवाडा पोलिसात गुन्हा दाखल करण्यात आला आहे.
राहुल रंगनाथ जाधव (वय 21, रा.मारफळा तांडा ता.गेवराई) यांनी तलवाडा पोलिसात दिलेल्या तक्रारीत म्हटले आहे की, भैय्या विश्‍वनाथ जाधव, विश्‍वनाथ दगडू जाधव, शांताबाई विश्‍वनाथ जाधव, निर्मला रमेश जाधव (सर्व रा.मारफळा) यांनी पोलिसात दिलेली तक्रार परत का घेत नाहीस? असे म्हणून कुर्‍हाडीच्या लाकडी दांड्याने डोक्यात मारून गंभीर जखमी केले व फिर्यादीच्या आईलाही मारहाण करून शिवीगाळ करून जिवे मारण्याची धमकी दिली. याप्रकरणी तलवाडा पोलिसात वरिल आरोपीविरोधात गुन्हा दाखल करण्यात आला असून याचा पुढील तपास पो.ह.कुव्हारे करत आहेत.
तक्रार मागे का घेत नाही म्हणत माय-लेकाला मारहाण
