माजलगाव (रिपोर्टर) माजलगाव तालुक्यातील राजेवाडी येथील कॉ. प्रल्हाद बापू नवले यांचे काल दु:खद निधन झाले. नवले हे कम्युनिस्ट पार्टीचे सच्चे कार्यकर्ते होते. विविध आंदोलनामध्ये त्यांचा सहभाग असायचा. अखेरच्या क्षणापर्यंत त्यांनी सर्वसामान्य कामगार, शेतकरी व शेतमजूर यांच्यासाठी संघर्ष केला. माजी खा. कै. गंगाधर अप्पा बुरांडे व पंचायत समिती सदस्य कॉ. आसाराम दादा ढोले यांचे ते निकटचे सहकारी होते. अलिकडच्या काळात ते आजारी होते. या आजारातच त्यांचे काल दु:खद निधन झाले. विशेेष करून कॉ. नवले रिपोर्टरचे वाचक होते. त्यांच्या निधनाने माजलगाव तालुक्यात हळहळ व्यक्त केली जात आहे. नवले कुटुंबियाच्या दु:खात रिपोर्टर परिवार सहभागी आहे.
मार्क्सवादी कम्युनिस्ट पक्षाचा सच्चा कार्यकर्ता हरपला; कॉ. प्रल्हाद नवले यांचे निधन
