बीड (रिपोर्टर) स्वत:च्या घरात दारूचा साठा करत त्याची विक्री करणार्‍या एकाला कुमावतांच्या पथकाने बेड्या ठोकून त्याच्याकडून देशी – विदेशीसह बिअर असा एकूण 25 हजार 720 रुपयांचा मुद्देमाल जप्त केला. ही कारवाई काल अंबाजोगाईत करण्यात आली.
अंबाजोगाई तालुक्यातील हिवरा (खु.) येथे दत्तू रामभाऊ साखरे (रा. हिवरा) हा सोमनाथ बोरगावकडे रोडलगत असणार्‍या त्याच्या राहत्या घरात देशी विदेशी दारू ठेवून त्याची चोरटी विक्री करत असल्याची माहिती सहायक पोलीस अधिक्षक पंकज कुमावत यांना मिळाली होती. यावरून त्यांनी बालाजी दराडे, बांगर, भंडाणे, अहंकारे, टुले यांना कारवाईसाठी पाठवले होते. त्यांनी काल हिवरा खुर्द येथे जावून दत्तू साखरे याच्या घराची झाडाझडती घेतली असता त्याच्या घरात देशी विदेशीसह बिअर अशी एकूण 25 हजार 720 रुपयांची दारू मिळून आली. याबाबत दत्तू साखरे याला ही दारू कुठून आणली? याबाबत पोलिसांनी विचारपूस केली असता अंबाजोगाई येथील महादेव ऊर्फ अण्णा धारगुडे हा आणून देत असल्याचे सांगितले व देशी दारू दारू दुकानाचे मालक दायमा यांच्याकडून घेतल्याचे सांगितले. यावरून त्या तिघांवर अंबाजोगाई ग्रामीर पोलीसात गुन्हा दाखल करण्यात आला आहे.
अंबाजोगाईत अवैध दारू विक्रेत्याला घेतले ताब्यात, 25 हजाराची दारू जप्त
