मोबाईल चोरांचा सुळसुळाट
नगर नाक्यावरील पान टपरी उद्घाटन कार्यक्रमात 12 मोबाईल लंपास
बीड (रिपोर्टर): बीड शहरामध्ये मोबाईल चोरांचा सुळसुळाट झाला असून आता सणासुदीनिमित्त अनेक उद्घाटनाचे कार्यक्रम हाते आहेत. काल बीड शहरामध्ये एका पानटपरीच्या उद्घाटनाला रील स्टार अभिनेत्री प्राजक्ता लांडगे आल्यामुळे तरुणांची एकच गर्दी उसळली होती. याचा फायदा उचलून जवळपास दहा ते बारा मोबाईल चोरट्यांनी लंपास केले आहेत.
काल बीड शहरामध्ये उद्घाटनाच्या कार्यक्रमात मोबाईल चोरीच्या ज्या घटना घडल्या याबाबत शिवाजीनगर पोलीस ठाण्यामध्ये दहा ते बारा मोबाईल लंपास झाल्याच्या तक्रारी आहेत. गर्दीच्या ठिकाणी पॉकेट मार आणि मोबाईल चोरणारे हेरुन पोलीस गर्दीच्या ठिकाणी नसलेल्या ठिकाणी या चोरीच्या घटना घडतात. एका पान टपरीच्या उद्घाटनात रिल स्टार अभिनेत्री प्राजक्ता लांडगे आल्याने या कार्यक्रमाला मोठी गर्दी झाली होती. याच गर्दीचा फायदा उचलत मोबाईल लंपास झाले. पोलिसांनी या घटनेची गंभीर दखल घेऊन मोबाईल चोर शोधून काढावेत, अशी मागणी होत आहे.
