3 लाखांचा गुटखा जप्त
पोलीस उपअधिक्षक पवार यांची कारवाई
बीड (रिपोर्टर): बीड तालुक्यातील भाटसांगवी येथील एका घरामध्ये मोठ्या प्रमाणात गुटखा असल्याची माहिती पिंपळनेर पोलिसांना झाल्यानंतर डीवायएसपी पवार यांनी त्याठिकाणी धाड टाकून 3 लाख 92 हजार 390 रुपयांचा गुटखा जप्त करून आरोपीविरोधात पिंपळनेर पोलिस ठाण्यात गुन्हा दाखल केला.
भाटसांगवी येथील रेवण चादर याच्या राहत्या घरी व गोडाऊनमध्ये गुटखा असल्याची माहिती पोलीस उपअधिक्षक पुजा पवार यांना झाल्यानंतर पवार व त्यांच्या सहकार्‍यांनी घटनास्थळी जावून चादर यांच्या घराची व गोडाऊनची झाडाझडती घेतली असता त्यात 3 लाख 92 हजार 390 रुपयांचा गुटखा आढळून आला. ही कारवाई कारवाई डीवायएसपी पुजा पवार, अर्जुन गोरवाल, मुरली गंगावणे, जिवाजी गंगावणे, दीपक लहान, अनिल मदने यांनी केली. या प्रकरणी गुटखा माफिया रेवण चादर याच्या विरोधात पिंपळनेर पोलीस ठाण्यात गुन्हा दाखल करण्यात आला आहे. पुजा पवार यांनी पिंपळनेर ठाण्याचा पदभार घेतल्यापासून अनेक कारवाया केल्या आहेत. त्यांच्या या कारवायांबद्दल पिंपळनेर परिसरात कौतुक केलं जात आहे.
