बीड (रिपोर्टर)- पिकअप आणि ट्रॅक्टरच्या झालेल्या अपघातात एकजण गंभीर जखमी तर पाच प्रवासी किरकोळ जखमी झाल्याची घटना आज पहाटे चार वाजता मांजरसुंबा-पाटोदा राष्ट्रीय महामार्गावरील लिंबागणेश येथे घडली.
उदगीर येथील काही नागरिक बीडकडे पिकअप (क्र. एम.एच. 24 ए.बी. 6460) ने येत असताना त्यांच्या पिकअपची आणि ट्रॅक्टरची मांजरसुंबा येथे धडक झाली. यामध्ये पिकअपचे मोठे नुकसान झाले असून त्यातील पाच प्रवासी जखमी झाले आहे तर लिंबागणेश येथील महादेव बप्पा जाधव हे गंभीर जखमी झाले आहेत. पिकअपमधील बबन सोपान सुर्यवंशी (वय 50 वर्षे), कुंडलिक गंगाराम सुर्यवंशी (वय 60 वर्षे), कांशीराम सुर्यवंशी (वय 50 वर्षे), चंद्रकांत विश्‍वंभर माने (वय 38 वर्षे), अनुसया अच्यूत सुर्यवंशी, मंडुबाई केरबा गायकवाड (वय 60 वर्षे), सिंधुबाई माने (वय 45 वर्षे) हे जखमी असून त्यांच्यावर बीड जिल्हा रुग्णालयात उपचार सुरू आहेत. अपघाताची माहिती मिळताच घटनास्थळी महामार्ग पोलीस आणि नेकनूर पोलिसांनी धाव घेतली.
