सायं. दैनिक बीड रिपोर्टरच्या रक्तदान शिबीरास उत्स्फूर्त प्रतिसाद; दुपारपर्यंत पंच्याहत्तर रक्तदात्यांनी केले रक्तदान

उद्याच्या अंकात सचित्र सविस्तर
वृत्त
बीड (रिपोर्टर) सामाजिक, सांस्कृतिक कार्यक्रमांसह क्रीडामध्ये प्रत्यक्ष सहभाग घेणार्‍या सायं. दैनिक बीड रिपोर्टरच्या वतीने आज रिपोर्टर भवन याठिकाणी भव्य रक्तदान शिबीराचे आयोजन करण्यात आले. या शिबीरास उत्स्फूर्त प्रतिसाद मिळत असून दुपारी दीड वाजेपर्यंत 75 रक्तदात्यांनी रक्तदान केले होते.
कष्टकर्‍यांचा आवाज म्हणून ओळखल्या जाणार्‍या सायं. दैनिक बीड रिपोर्टरच्या वतीने प्रत्येक वर्षी सामाजिक, सांस्कृतिक कार्यक्रमांचे आयोजन केले जाते. प्रत्यक्ष क्रीडामध्येही सायं. दैनिक बीड रिपोर्टरची (पान 7 वर)
अग्रगण्य भूमिका असते. रिपोर्टर प्रिमिअर लिगच्या माध्यमातून राज्यस्तरीय क्रिकेट स्पर्धा सायं. दैनिक बीड रिपोर्टर करत असतो. वृक्षारोपण, रक्तदान हे सामाजिक दृष्टीकोन समोर ठेवून प्रत्येक वर्षी केले जाते. यावर्षीही सायं. दैनिक बीड रिपोर्टरचे संपादक शेख तय्यब यांच्या मार्गदर्शनाखाली भव्य रक्तदान शिबिराचे आयोजन करण्यात आले आहे. सकाळी 10 ते सायंकाळी 5 वाजेपर्यंत हे शिबीर सुरू राहणार असून आज सकाळी मान्यवर रक्तदात्यांच्या उपस्थितीत शिबीराचे उद्घाटन झाले. दुपारी दीड वाजेपर्यंततब्बल 75 रक्तदात्यांनी रक्तदान केले होते. या भव्य शिबीरासाठी रिपोर्टर परिवारासह मित्र परिवाराने मोठी मेहनत घेतली आहे. सायंकाळपर्यंत रक्तदात्यांचा आकडा उच्चांक गाठेल, या रक्तदान शिबिराची सविस्तर, सचित्र बातमी वाचकांसाठी उद्याच्या अंकात देऊ.