सिरसदेवीत दरोडेखोरांचा धुमाकूळ; एकावर चाकू हल्ला, दोन घरे फोडण्याचा प्रयत्न

रात्र जागून काढली, गावकर्‍यांनी दरोडेखोर पळवून लावले
गेवराई (रिपोर्टर) : मध्यरात्री एका घराला टार्गेट करुन दरोडेखोरांनी खुसखोरी केली. दरोडा टाकण्याच्या प्रयत्नात असतांना दरोडेखोरांना रोखणार्‍या एकावर त्यांनी चाकुहल्ला केला. आरडाओरडा झाल्यानंतर तेथून पळ काढत दुसर्‍या घराला टार्गेट केले. मात्र तेथीलही लोक जागे झाल्याने दरोडखोरांनी पळ काढला. ग्रामस्थांची त्यांचा मागावा घेतला मात्र त्यांनी एका सिताफळाच्या बागेत घुसून पोबारा केला. ही धरारक घटना रात्री गेवराई तालुक्यातील सिरसदेवी येथे घडली. याची माहिती पोलिसांना मिळाल्यानंतर पोलिस घटनास्थळी आले.
गेवराई तालुक्यातील सिरसदेवी फाटा येथे भारत भोगे हे आपल्या कुटंबासहीत राहतात. रात्री दीडच्या दरम्यान यांच्या रुक्मिणी या निवास्थानी घराच्या मागील गेटवरून उडी घेत आतमधील गेटचे लॉक तोडत घरात खुसखोरी केली.दरोडा टाकण्याचा प्रयत्नात असतांनाच भारत भोगे यांचे वडील सूर्यकांत भोगे जागे झाले अन् दरोडेखोरांना विरोध करताच त्यांच्यावर दरोडेखोरांनी चाकू हल्ला चढवला या हल्ल्या भोगे हे गंभीर जखमी झाले  असून त्यांच्यावर जिल्हा रगणालयात उपचार सुरू आहेत. त्यांनी आरडा ओरड केल्याचे दरोडेखोरांनी तेथून पळ काढला. त्यानंतर दरोडेखोरांनी आपला मोर्चा दुसर्‍या ठिकाणी वळविला मात्र तेथील नागरिक सतर्क झाल्याने दरोडेखोरांनी पळ काढला त्यांच्या मागोवा घेत नागरिकही त्यांच्या दिशेने गेले. दरोडेखोर हे रूई कॉर्नर नजिक एका घराच्या मागे दडलेले होते. अपल्या मागावर ग्रामस्थ असल्याचे त्यांच्या निदर्शनास येताच त्यांनी वक्ते वस्ती या ठिकाणी असलेल्या भागवत भोसले यांच्या सीताफळाच्या बागेत आडोसा घेत तेथून पोबारा केला. याची माहिती रात्री तलवडा पोलीसांना मिळाल्यानंतर यांनी भोगे यांच्या घरी भेट देत पंचनामा केला. या धरारक घटनेमुळे नागरिकांमध्ये भितीचे वातावरण निर्माण झाले असून येथे बंदोबस्त देण्याची मागणी होत आहे.