बीड (रिपोर्टर) तालुक्यातील माळापुरी येथे घरासमोर लावलेल्या दोन दुचाकी अज्ञात चोरट्यांनी चोरून नेल्याची घटना 16 फेब्रुवारी रोजी घडली असून या प्रकरणी बीड ग्रामीण पोलिसात अज्ञात चोरट्याविरोधात तक्रार दाखल करण्यात आली आहे.
शेख अझहर खुदबोद्दीन शेख (रा. माळापुरी) यांनी बीड ग्रामीण पोलिसात दिलेल्या तक्रारीत म्हटले आहे की, ते आणि त्यांचे बंधू शेजारी राहतात. 15 फेब्रुवारी रोजी त्यांनी आपली दुचाकी (क्र. एम.एच. 12 आर.झेड 0736) ही आपल्या दारासमोर लावली. त्याच्या शेजारीच त्यांचे बंधू गुलाबोद्दीन खुदबोद्दीन शेख यांनी आपली दुचाकी (क्र. एम.एच. 23 ए.व्ही. 6401) ही माझ्या दुचाकी शेजारी लावली. ते जेवण करून झोपी गेले असता सकाळी दोन्ही दुचाकी अज्ञात चोरट्यांनी हँडललॉक तोडून चोरून नेल्याचे त्यांच्या निदर्शनास आले. या प्रकरणी त्यांनी बीड ग्रामीण पोलिसात तक्रार दिली असून अज्ञात चोरट्याविरोधात गुन्हा दाखल करण्यात आला आहे.
माळापुरीतून सख्ख्या भावाच्या दुचाकी लंपास
