बीड (रिपोर्टर)- नुकत्याच पार पडलेल्या डॉ. डी.वाय. पाटील विद्यापीठाच्या चौदाव्या पदवी प्रदान समारंभात बीड येथील डॉ. सीमा वरद चरखा यांना आयुर्वेदामध्ये एम.डी. ही पदवी प्रदान करण्यात आली. त्या प्रसिद्ध आयुर्वेदाचार्य डॉ. शिवप्रसाद चरखा यांच्या सुनबाई आहेत. पदवी प्रदान झाल्यानंतर त्यांचे सर्वस्तरातून अभिनंदन होत आहे.
बीड येथील प्रसिद्ध आयुर्वेदाचार्य डॉ. शिवप्रसाद चरखा यांचे चिरंजीव डॉ. वरद चरखा हे आयुर्वेदामध्ये एम.डी. आहेत. आता त्यांच्या पत्नी डॉ. सीमा वरद चरखा याही आयुर्वेदात एमडी झाल्या आहेत. गेल्या काही दिवसांपूर्वी डॉ. डी.वाय. पाटील विद्यापीठाच्या चौदाव्या पदवी प्रदान समारंभात त्यांना आयुर्वेदामध्ये एम.डी. ही पदवी प्रदान करण्यात आली. सदरची पदवी ही महाराष्ट्राचे महामहीम राज्यपाल रमेश बैस यांच्या उपस्थितीत प्रदान करण्यात आली असून डॉ. सीमा यांनी आयुर्वेदातील ‘कायचिकित्सा’ या विषयामध्ये आपले पदव्यूत्तर शिक्षण पूर्ण केले आहे. त्यांच्या निवडीनंतर त्यांचे सर्वस्तरातून अभिनंदन होत आहे.
