बीड (रिपोर्टर)- गेवराई तालुक्यातील औरंगपूर कुकडा शिवारामध्ये एका शेतकर्‍याला वाघासारखा अंगावर पट्टे असणारा प्राणी आढळून आला. सदरील हा प्राणी वाघ आहे की तडस याबाबत अजून निश्‍चित झाले नाही. वनविभागाने काल पाहणी केली असली तरी त्यांना योग्य ते ठसे दिसून आले नसून वनविभाग पुन्हा घटनास्थळी जावून ठशांची पाहणी करणार असल्याचे सांगण्यात येत आहे.
सध्या शेतीची कामे सुरू आहेत. त्यामुळे शेतकरी शेतामध्ये असतात, गेवराई तालुक्यातील औरंगपूर कुकडा शिवारात एका शेतकर्‍याला वाघासारखा प्राणी आढळून आला. याची माहिती संबंधितांनी वनविभागाला दिल्यानंतर वनविभागाने काल घटनास्थळी जावून ठशांची पाहणी केली मात्र त्यांना या ठशांबाबत योग्य निदान करता आले नाही. वनविभाग पुन्हा ठशांची पाहणी करण्यासाठी जाणार आहे. एकूणच या प्राण्याबाबत परिसरातील शेतकर्‍यात भितीचे वातावरण निर्माण झाले आहे.
