वडवणी (रिपोर्टर):- रात्री कामावरुन घरी येत आसताना पाठीमागून भरधाव येणाऱ्या ट्रकने जोराची धडक दिली यामध्ये 40 वर्षीय इसमाचा जागीचा मृत्यू झाला आहे. या अपघाताची घटना पुणे जिल्ह्यातील चाकण येथे दि.15 मे वार- सोमवार रोजी रात्री 11.30 वा. घडली आहे. मयत इसम हा पिंपरखेड येथील रहिवाशी असून आज सकाळी 8 वाजण्याच्या सुमारास शोकाकुल वातावरणात अंत्यसंस्कार करण्यात आले आहेत.
श्रीकिसन राजाराम काळे ( वय-40 वर्ष रा.पिंपरखेड ) अस मयत असणाऱ्या इसमाचे नाव आहे.ते गेल्या अनेक वर्षापासून उदारनिर्वाहसाठी चाकण परिसरात वास्तवास होते. ते घराला कलर देण्याच पेटींगचे काम करत होते. दि.15 मे वार सोमवार रोजी रात्री 11.30 वा. काम करुन घरी परत येत आसताना चाकण येथील मुख्य चौकात पाई येत आसताना अचानक पाठीमागून भरधान ट्रक आली श्रीकिसन काळे यांना जोराची धडक दिली यामध्ये ते जागीच ठार झाले. चाकण पोलीसांनी तात्काळ घटनास्थळी धाव घेत अपघातातील ट्रक ताब्यात घेत पंचनामा करुन जवळील शासकिय रुग्णालयात मृतदेह ओळख पटविण्यासाठी ठेवला होता. एक दिवस झाला तरी ओळख पटत नसल्याने तेथील पोलीसांनी सदरील मसेज आणि फोटो सोशिअल मिडियावर टाकल्या नंतर पाहुण्याना सदरील मसेज दिसला तेव्हा मयत श्रीकिसन काळे यांची ओळख पटली घरातील मंडळीनी चाकण येथे जाऊन खातरीजमा करुन मृतदेह ताब्यात घेतला आहे. आज सकाळी पिंपरखेड गांवी श्रीकिसन काळे यांना अखेरचा निरोप दिला आहे. तर या अपघातातील ट्रक गाडीचा नंबर नातेवाईकांडून मिळू शकला नाही. तर श्रीकिसन काळे यांचा पत्नी सोबत घटकस्फोट झाला असल्याची माहिती नातेवाईकांनी दिली असून त्यांच्या पश्‍चात आई व चार भाऊ असा परिवार आहे.
