पाच जणांविरोधात गुन्हा दाखल
बीड, (रिपोर्टर)ः- टेम्पोमध्ये दहा गाईसह वासरे घेवून जात असतांना सदरील हा टेम्पो शिवाजीनगर पोलिसांच्या स्वाधीन करण्यात आला असून या प्रकरणी पाच जणांविरोधात गुन्हा दाखल करण्यात आला आहे.
टॅम्पो क्र.एम.एच.17सीव्ही.7664 यामध्ये बेकायदेशीर रित्या दहा गाई आणि दोन वासरे नेली जात होती. सदरील हा टॅम्पो हैद्राबादकडे जात होता. या टॅम्पोस शिवाजी नगर पोलिस ठाण्याच्या हद्दीमध्ये पकडण्यात आले. टॅम्पोमध्ये दहा गाई आणि दोन वासरे आढळून आली. या प्रकरणी माधव कारभारी खेमणर (रा.चन्नेगाव ता.संगमनेर जि.अहिल्यानगर), संकेत बाळासाहेब लांबगे (रा.लोणी प्रवारा ता.राहता जि.अहिल्यानगर), असनगरी श्रीसाई लांब (रा.इल्ली मेंदू, इब्राहीम पटनम रा.तेलंगणा), उपारी सतई (रा.जहगा इलिमेंदू इब्राहीम पटनम रा.तेलंगणा), मल्लया असनगरी (रा.जहगा इलिमेंदू रा.तेलंगणा) या पाच जणांविरोधात गुन्हा दाखल करण्यात आला आहे. जनावरे शिवाजी नगर पोलिसांनी ताब्यात घेतले आहेत.वैभव जाधव यांच्या फिर्यादीवरून सदरील ही कारवाई करण्यात आली आहे.