कृषी दुकानदाराच्या तक्रारी आल्यास तात्काळ कारवाई करू
अहिल्यानगर, (रिपोर्टर)ः-शेती धोरणामध्ये सरकारने भांडवली गुंतवणूक करावी अशी आपली धारणा असल्याचे सांगत शेतकर्यांनी कर्ज भरलेच पाहिजेत असे आपले म्हणणे आहे असे म्हणत कृषीमंत्री कोकाटे यांनी कर्जमाफी बाबतची भुमिका स्पष्ट केली. दुसरीकडे बनावट बियाणां प्रकरणी आपल्याकडे ज्या काही तक्रारी आल्या आहेत. त्या तक्रारीच्या आधारे कृषी दुकानावर कारवाई करण्यात आली आहे. माझ्याकडे शेतकर्यांनी तक्रार केली तर मी त्या दुकानदारावर तात्काळ कारवाई करेल असेही कोकाटे म्हणाले.
राज्याचे कृषीमंत्री कोकाटे आज अहिल्यानगर दौर्यावर आले असता ते माध्यमांशी बोलत होते.
शेतकर्यांच्या विषयी विविध प्रश्नांना उत्तर देतांना ते म्हणाले की, सरकारने शेती धोरणामध्ये भांडवली गुंतवणूक करावी अशी आपली धारणा आहे. परदेशामध्ये अशा पध्दतीने भांडवली गुंतवणूक केली जाते. ठिबक सिंचन, तुषार सिंचन, गोदाम,एअर हाउस यासह अन्य बाबतीत सरकारने गुंतवणूक केली पाहिजे. शेतकर्यांनी कर्ज भरलीच पाहिजेत असं वक्तव्य कृषिमंत्री माणिकराव कोकाटे यांनी केलेलं आहे. कर्जमाफी संदर्भातील निर्णय मुख्यमंत्री घेतली, असंही यावेळी कोकाटे यांनी सांगितलं. त्यामुळे यावेळी तरी शेतकर्यांच्या पदरी कर्जमाफीच्या एवजी निराशाच पडलेली आहे.
निवडणुकीच्या वेळी आपल्या जाहीरनाम्यात शेतकर्यांना सरसकट कर्जमाफी देण्याचं आश्वासन महायुती सरकारने दिल्यानंतर मात्र आता कर्जमाफी देण्यासाठी सरकारच्या तिजोरीत पैसा नसल्याने यंदा आणि पुढच्या वर्षी शेतकर्यांना कोणतीही कर्जमाफी दिली जाणार नसल्याचं सत्ता स्थापनेनंतर सांगण्यात आलं आहे. त्यामुळे आधी दुष्काळ आणि नंतर अवकाळीने हवालदिल झालेल्या शेतकर्यांचं दिवाळं निघालं आहे. त्यावर आता कृषिमंत्री माणिकराव कोकाटे यांनी नवीन विधान केलं आहे.
शेतकरी कर्जमाफीबाबतचा निर्णय मुख्यमंत्री आणि दोन्ही उपमुख्यमंत्री घेतील. योग्य वेळ आल्यावर तो निर्णय होईल, अशी प्रतिक्रिया कृषिमंत्री माणिकराव कोकाटे यांनी कर्जमाफीवर दिली. यावेळी बोलताना कोकाटे म्हणाले की, ‘तो विषय शेतकर्यांचा आहे. मात्र, शेतकर्यांनी कर्ज भरलंच पाहिजे असं माझं मत आहे. कर्जमाफी संदर्भातील निर्णय मुख्यमंत्री घेतील, असं म्हणत सध्या तरी कर्जमाफी नसल्याचे संकेत कोकाटे यांनी दिले तर दुसरीकडे बनावट बियाणांप्रकरणी आपल्याकडे तक्रार आल्यानंतर आपण दुकानदारावर कारवाई करणार असल्याचे त्यांनी म्हंटले.
