मुंबई (रिपोर्टर): राज्याच्या अर्थसंकल्पीय आंदोलनाला कालपासून सुरुवात झाली आहे. अधिवेशनाच्या दुसर्या दिवशी राष्ट्रवादीचे आमदार विक्रम काळे यांनी सभागृहात शिक्षकांना शिकवण्याव्यतिरिक्त लावण्यात येणार्या कामांबाबत प्रश्न विचारत शिक्षकांना आता काय कुत्रे मोजायला लावता काय?असं म्हणत शिक्षकांकडील अतिरिक्त कामे काढून त्यांना फक्त शिकवण्याचे काम ठेवावे, अशी मागणी त्यांनी या वेळी केली. तर दुसरीकडे भाजपाचे नेते सुधीर मुनगंटीवार हे विधानसभेत चांगलेच संतापले. विधानसभेतील कामकाजाच्या दिरंगाबाईबाबत आणि कामचुकार अधिकार्यांवर कठोर कारवाई करण्याबाबत मुनगंटीवारांनी थेट अशा कर्मचार्यांवर कारवाई करण्यासाठी ‘ठोको विधेयक 2026’ पास करावे लागेल, असे ते म्हणाले.
अधिवेशनाच्या दुसर्या दिवशी कामकाजाला सुरुवात झाली तेव्हा सुधीर मुनगंटीवार यांनी आक्रमक होत कामाचा दर्जा सुधारावा, गुणात्मक बदल व्हावा यासाठी मुख्यमंत्री असोत अथवा विधानसभा अध्यक्ष असतील हे खूप निर्देश देतात, पुरवणी मागण्या मांडल्यानंतर कपात सूचनेचे 30 दिवसात उत्तर मिळावे, हा सदस्यांचा अधिकार असतो मात्र मागच्या अधिवेशनात लक्षवेधीची उत्तरे अद्याप मिळालेले नाहीत. यासह विधानसभेत होणार्या कामकाजाबाबत त्यांनी काही उदाहरणे दिले आणि संतापून कामचुकार अधिकार्यांबाबत ठोको विधेयक 2026’ पास करावा लागेल का? असा सवाल त्यांनी केला. तर दुसरीकडे राष्ट्रवादीचे आमदार विक्रम काळे हेही सभागृहामध्ये चांगलेच भडकल्याचे दिसून आले. ते म्हणाले, शिक्षकांना वेगवेगळे कामे दिले जातात, आता काय कुत्रे मोजायला लावताय का? असं म्हणत शिक्षकांबाबतच्या धोरणांबाबत खंत व्यक्त केली आणि शिक्षकांकडे केवळ शिक्षणाचेच कामे ठेवावे, असे म्हटले.
