स्वातंत्र्यवीर सावरकर यांच्या जयंतीनिमित्त अभिवादन
बीड (रिपोर्टर) शहरातील स्वातंत्र्यवीर सावरकर यांच्या पुतळ्याजवळ्यास जयंतीनिमित्त अभिवादन करून आ.संदीप क्षीरसागर यांच्या आमदार फंड म्हणजेच स्थानिक विकास निधीतंर्गत शहरातील, स्वातंत्र्यवीर सावरकर यांच्या पुतळ्याजवळील व शहरातील इतर भागातील विकासकामंचे शनिवार (दि.28) रोजी माजी आ.सुनील धांडे व युवा नेते अर्जून क्षीरसागर यांच्या हस्ते लोकार्पण करण्यात आले.
आ.संदीप क्षीरसागर यांच्या स्थानिक विकास निधीतून मतदारसंघात ठिकठिकाणी विकासकामे सुरू आहेत.शहरातील स्वातंत्र्यवीर विनायक दामोदर सावरकर यांच्या पुतळ्याजवळ आमदार निधीतून हायमास्ट बसविणे व येथील परिसर सुशोभित करण्याचे काम पूर्ण झाले असून स्वातंत्र्यवीर सावरकर यांच्या जयंतीचे औचित्य साधून या व शहरातील इतर भागातील विकासकामांचे माजी आ.सुनील धांडे व युवा नेते अर्जून क्षीरसागर यांच्या हस्ते शनिवार (दि.28) रोजी लोकार्पण करण्यात आले.यावेळी शहरातील सर्व कार्यकर्ते, पदाधिकारी उपस्थित होते.
