माजलगाव (रिपोर्टर) बाजार समिती निवडणुकीच्या मतदानाला आज रविवार दि.30 रोजी सकाळी 7 वाजल्यापासून सुरुवात झाली.दरम्यान यावेळी मतदारांनी उत्स्फूर्त सहभागी घेत दुपारपर्यंत एकूण मतदान 2178 पैकी 1380 मतदान केले.यावेळी आमदार प्रकाश सोळंके,माजी आमदार बाजीराव जगताप,माजी आमदार मोहनराव जगताप,माजी आमदार राधाकृष्ण होके पाटील ओम प्रकाश शेटे,सभापती अशोक डक शिवसेना जिल्हाप्रमुख आप्पासाहेब जाधव मतदान स्थळी तंबूत तळ ठोकून बसले असल्याने निवडणुकीत तगडी लढत जाणवत आहे.
रविवारि सकाळी सात वाजता बाजार समिती निवडणूक मतदान ला सुरुवात झाली आहे. सोसायटी मतदार संघामध्ये 609 पैकी 402 मतदान झाले ग्रामपंचायत मतदार संघात 585 मतदानापैकी 330 मतदारांनी आपला मतदानाचा हक्क बजावला तर हमाल
मापाडी मतदारसंघात 233 मतदानापैकी 180 मतदारांनी आपला मतदानाचा हक्क बजावला आहे. तर अटीतटीच्या होत असलेल्या व्यापारी मतदारसंघात 785 मतदानापैकी 486 मतदारांनी या ठिकाणी आपला मतदानाचा हक्क बजावला आहे.दरम्यान निवडणुकी पूर्वसंध्येला मतदारांना मतदान स्थळी खेचून आणण्याची पॅनल प्रमुखांमध्ये धावपळ होत असण्याचे दिसत होते.आमदार प्रकाश सोळंके,सभापती अशोक डक,सभापती नितीन नाईकनवरे, सभापती संभाजी शेजुळ,सभापती जयदत्त नरवडे,यांनी आपला मतदानाचा हक्क बजावला.
