बीड (रिपोर्टर) गेल्या अनेक दिवसांपासून एमपीएससीची तयारी करणार्‍या एका युवकाने 30 एप्रिल रोजी झालेल्या एमपीएससी परीक्षेत पेपर दिला होता. मात्र तो पेपर अवघड गेल्याने त्याने बीडमध्ये मित्राच्या रुमवर आत्महत्या केल्याची घटना घडली.
अक्षय आप्पा पवार असे आत्महत्या केलेल्या तरुणाचे नाव आहे. तो माजलगाव येथील रहिवाशी आहे. एमपीएससीची तयारी करण्यासाठी तो औरंगाबादला गेला होता. तिथे तो क्लासेस लावून तयारी करत होता. 30 एप्रिल रोजी एमपीएससीची परीक्षा असल्याने त्याचा बीड येथे पेपर होता. पेपर दिल्यानंतर तो शहरातील आदर्श गणेश नगर येथे मित्राच्या रुमवर मुक्कामाला थांबला. (पान 7 वर)
पेपर अवघड गेल्याने तो नैराश्यात होता. मित्राच्या रुमवरच त्याने रात्री गळफास घेऊन आत्महत्या केली. घटनेची माहिती शिवाजीनगर पोलिसांना मिळताच पोलिसांनी घटनास्थळी जावून पंचनामा केला. या प्रकरणी शिवाजीनगर पोलीस ठाण्यात आकस्मिक मत्यूची नोंद करण्यात आली.
एमपीएससीचा पेपर अवघड गेला; विद्यार्थ्याची आत्महत्या
