मुंबई (रिपोर्टर) प्रत्येक पक्षाला पक्षांतर्गत व्यवस्थापन करण्याचा त्या अध्यक्षांना अधिकार असतो. त्यांच्या अध्यक्षपदाचा निर्णय होऊ द्या मग बोलेल, परंतु राष्ट्रवादीमधील घडामोडीमुळे महाविकास आघाडीला तडा जाणार नसल्याचे सांगत मोदींचा नाही तर प्रवृत्तीच्या पराभवासाठी आम्ही एकत्र आल्याचे उद्धव ठाकरेंनी म्हटले. मोदीजी म्हणाले, ‘बजरंग बली की जय’ असे बोलून मतदान करा, मला वाटते आता निवडणूक कायद्यात बदल झाला असेल मग मी मराठी भाषिकांना सांगतो, ‘छत्रपती शिवाजी महाराज की जय’ म्हणून मराठी अस्मिता जपणार्या उमेदवाराला मतदान करा, असे आवाहनही त्यांनी या वेळी केले.
ते मातोश्री येथे पत्रकारांशी बोलत होते. पुढे बोलतांना ते म्हणाले, बारसूत मी भाजप, शिवसेनेची हिंमत बघायला जात नाही. नाणार प्रकल्प रद्द केला. ध्यानीमनी नसताना मुख्यमंत्री झालो. दिल्लीतून सूचना आल्या. चांगला प्रकल्प आहे, जाऊ देऊ नका. महाराष्ट्रात येणार चांगले प्रकल्प गुजरातकडे वळवले. केवळ माझे पत्र घेऊन नाचू नका. माझ्यात काळात येणारे प्रकल्प तुम्ही जाऊ का दिले. महाराष्ट्रात राख, गुजरामध्ये रांगोळी का? असा सवाल. त्यासाठी डोक्यावर बंदूक टेकून परवानग्या घेता आणि प्रकल्प चांगले सांगता. याला का अर्थ आहे.
तिथल्या जमिनी उपर्यांनी घेतल्या आहेत. माझ्या भूमिपुत्रांच्या घरादारावर उपर्यांचा वरवंटा फिरवणार का, असा सवाल त्यांनी केला. लोकांमध्ये जाऊन त्यांच्या प्रश्नाला उत्तर द्या. पालघरमध्ये घरात घुसून आदिवासींना बाहेर काढले जाते. ही कुठली लोकशाही आहे, असा सवालही त्यांनी केला.
बारसूच्या जागेसाठी दबाव नाही, आग्रह होता. प्रकल्प चांगला असेल, तिथल्या लोकांनी होकार दिला, तर तिथे हा प्रकल्प होऊ शकतो. सगळ्यांचे चांगले होत असेल, तर मी मध्ये का यावे? मात्र, सगळ्यांच्या मनात प्रश्न आहेत. सध्या प्रश्न विचारले की, मार, ठोक तुरुंगात टाक. नामशेष कर असे झाले आहे. प्रश्न विचारणे त्यांचा हक्क असल्याचे ठाकरे म्हणाले.
मोदीजी म्हणाले बजरंगबली की जय, असे बोलून मतदान करा, असे सांगतात. मला वाटते आता निवडणूक कायद्यात बदल झाला असेल. मग मी मराठी भाषकांना सांगतो की, छत्रपती शिवाजी महाराज की जय म्हणून मराठी अस्मिता जपणार्या उमेदवाराला मतदान करा, असे आवाहन उद्धव ठाकरे यांनी केले.
प्रत्येक पक्षाला पक्षांतर्गत व्यवस्थापन करण्याचा त्या अध्यक्षाला अधिकार असतो. त्यांच्या अध्यक्षपदाचा निर्णय होऊ द्या. मग बोलेन. महाविकास आघाडीला तडा जाणार नाही, असे त्यांनी सांगितले. – प्रत्येकाला आत्मचरित्र लिहिण्याचा अधिकार आहे. मी मुख्यमंत्री म्हणून प्रत्येकाला आपल्या कुटुंबातील सदस्य वाटतो. मी मुख्यमंत्री म्हणून काय केले हे जगजाहीर आहे. माझी मते ठामपणे मांडतो. तूर्त कोणत्याही परिस्थितीत माझ्याकडून महाविकास आघाडीला तडा जाणार नाही. मोदींचा नाही, तर प्रवृत्तीच्या पराभवासाठी आम्ही एकत्र आल्याचे ते म्हणाले.
शरद पवारांना सल्ला काय देणार? मी दिलेला सल्ला पचनी नाही पडला तर काय करू? त्यांच्यावर कार्यकर्त्यांचे प्रेम असल्याचे त्यांनी सांगितले.
महाविकास आघाडीला तडा जाणार नाही-उद्धव ठाकरे
