एमआयडीसीतील रस्ते होणार अत्याधुनिक; बीड एमआयडीसी पंचतारांकित करण्यासाठी माझे पाठ पुरावा सुरू -आ.संदीप क्षीरसागर

आ. संदीप क्षीरसागरांनी केले 270.58 लक्ष रुपयांच्या अंतर्गत रस्त्याचे भूमिपूजन
बीड (रिपोर्टर) महाराष्ट्र औद्योगिक विकास महामंडळ बीड यांच्याकडे सातत्याने पाठपुरावा करून आमदार संदीप भैया क्षीरसागर यांनी बीड एमआयडीसी मधील अंतर्गत रस्त्या करिता 270.58 लक्ष रुपयांची निधी मंजुर करून घेत या कामाचे भूमिपूजन आ. संदीप भैया यांच्या हस्ते करण्यात आले.
बीड शहरातील एमआयडीसी भागांमध्ये अंतर्गत रस्त्याची अवस्था अत्यंत ना दुरुस्त झाली होती. याकरिता आमदार संदीप भैया क्षीरसागर यांनी महाराष्ट्र औद्योगिक विकास महामंडळ यांच्याकडे सातत्याने पाठपुरावा करून एमआयडीसी येथील अंतर्गत रस्त्या करिता 270.78 लक्ष रुपयाचा निधी मंजूर करून घेऊन एमआयडीसी अंतर्गत रस्त्यावरील खड्डे भरून बीबीएम सहित डांबरीकरण होणार असते होणार आहे. यावेळी बोलताना आ.संदीप भैया म्हणाले की बीड शहरातील एमआयडीसीचा भाग खूप मोठा असून या ठिकाणी मोठे प्रकल्प येणे गरजेचे आहे. जर या भागात मोठे प्रकल्प झाले तर युवकांना मोठ्या प्रमाणावर रोजगार उपलब्ध होणार असुन याकरता मी केंद्र सरकारने राज्य सरकारकडे एमआयडीसी भागात मोठा प्रकल्प आणावे यासाठी सातत्याने पाठपुरावा करीत आहे. यावेळी एमआयडीसी भागातील नागरिक तसेच कार्यकर्ते मोठ्या प्रमाणावर उपस्थित होते.