बीड (रिपोर्टर) हिरापूर येथील राष्ट्रीय महामार्गावर मुलीचे मृत अर्भक आज सकाळी आढळून आले. या अर्भकाचे लचके तोडलेले होते. घटनेची माहिती बीड ग्रामीण पोलिसांना झाल्यानंतर पोलिसांनी त्याठिकाणी धाव घेऊन पुढील तपास सुरू केला आहे.
राष्ट्रीय महामार्गावर एका लाल रंगाच्या कपड्यात गुंडाळलेल्या अवस्थेत मुलीचे अर्भक काही लोकांना आढळून आले. सदरील अर्भकाचे कुत्र्याने लचके तोडलेले होते. घटनेची माहिती बीड ग्रामीण पोलिसांना कळवल्यानंतर पोलिसांनी त्याठिकाणी धाव घेऊन अर्भक ताब्यात घेतले. या प्रकरणाचा अधिक तपास सुरू आहे.
