बीड (रिपोर्टर) माजलगाव शहरातील कन्यादान मंगल कार्यालयासमोर लावलेली दुचाकी अज्ञात चोरट्यांनी लंपास केली. या प्रकरणी काल माजलगाव शहर पोलिसात गुन्हा दाखल करण्यात आला आहे. तर अंबाजोगाई शहरातील बसस्टँडच्या पाठिमागील पवन हॉटेलसमोर लावलेली एक दुचाकी अज्ञात चोरट्याने लंपास केली.
महादेव रामकिसन गव्हाणे (रा. वाघोली ता. धारूर) यांनी आपली दुचाकी (क्र. एम.एच. 44 एम. 6668) ही पॅशन प्रो गाडी माजलगाव शहरातील गेवराई-माजलगाव रोडवर असलेल्या कन्यादान मंगल कार्यालयासमोर लावली होती. ती अज्ञात चोरट्याने हँडल लॉक तोडून चोरून नेली. दत्तात्रय विष्णू साळवे (रा. पुस ता. अंबाजोगाई) यांनी आपली दुचाकी (क्र. एम.एच. 44 आर. 8097) ही बसस्टँडच्या पाठिमागील हॉटेल पवनसमोर लावली असता ती अज्ञात चोरट्याने लंपास केली. या प्रकरणी अंबाजोगाई शहरात गुन्हा दाखल करण्यात आला आहे.
