राष्ट्रवादीचे सर्वेसर्वा तथा राज्याचे उपमुख्यमंत्री अजितदादा पवार हे हेलिकॉप्टरने बीडमध्ये डेरेदाखल झाले त्यावेळी हेलिपॅडवर सायं. दैनिक बीड रिपोर्टरचे संपादक शेख तय्यब यांनी त्यांचे हेलिपॅडवर त्यांचे डोक्यावर टोपी परिधान करत पुष्पगुच्छ देऊन स्वागत केले. दादांनी ती टोपी कार्यक्रमस्थळी येईपर्यंत डोक्यावर ठेवली.
कार्यक्रमस्थळी ज्या वेळेस सत्कार झाला त्यावेळेस दादांना फेटा बांधण्यात आला त्यावेळी दादांनी ती टोपी तशीच बाजुला ठेवली. कार्यक्रम संपल्यानंतर दादा महिला भगिनींना भेटण्यासाठी निघाले त्यावेळी त्यांनी डोक्यावरचा फेटा काढला. त्याचवेळी राज्याचे कृषीमंत्री धनंजय मुंडे यांनी शेख तय्यब यांनी त्यांच्या डोक्यावर परिधान केलेली टोपी पुन्हा दादांच्या डोक्यावर परिधान केली.
