बीड (रिपोर्टर) बीड शहरामध्ये जागोजागी खड्डे आहेत. खड्ड्यांमुळे वाहनधारकांना वाहने चालवण्यास अडथळा तर येतच आहे पण वाहन धारकांचे मणके खिळखिळे होऊ लागले. भाई जरा देखके चलो ये खड्डो का शहेर अशी बॅनरबाजी करत आम आदमी पार्टीने दवंडी मोर्चा काढून बीड नगरपालिकेचा जाहीर निषेध केला. या वेळी आपचे अनेक कार्यकर्ते उपस्थित होते.
बीड शहरात अनेक रस्त्यावर खड्डे पडलेले आहेत. या खड्ड्यांमुळे वाहनधारकांना आपली वाहने चालवता येत नाहीत. पावसाळ्याच्या दिवसात रस्त्यावर पाणी जमा होऊ काही ठिकाणी चिखल होत असल्याने पायी चालणे मुश्कील होते. नगरपालिका नुसताच विकासाचा आव आणत असते. आम आदमी पार्टीने आज दवंडी मोर्चा आंदोलन केले. भाई जरा देखके चलो ये खड्डो का शहर है असे बॅनर झळकवत आंदोलन केले. या आंदोलनामध्ये आपचे अनेक कार्यकर्ते सहभागी झाले होते. जिल्हाध्यक्ष येडेंसह आदींची उपस्थिती होती.
भाई जरा देखके चलो, ये खड्डो का शहेर, आपचे अनोखे आंदोलन
