पाटोदा (रिपोर्टर) विवाहा कार्यासाठी परभणी येथून अलीबागकडे निघालेल्या स्कॉर्पिओ गाडीच्या चालकाचा गाडीवरील ताबा सुटून झालेल्या अपघातात एक जण जागीच ठार तर चार जण जखमी झाल्याची घटना आज पहाटे पाटोदा येवलवाडी जवळ घडली. घटनेची माहिती पाटोदा पोलिसांना समजल्यानंतर घटनास्थळी एपीआय रामचंद्र पवार यांनी भेट दिली. जखमींना नजीकच्या रुग्णालयात उपचारासाठी दाखल करण्यात आले आहे. घटना घडल्या घडल्या हॉटेल सारंगचे मालक नागरगोजे यांनी जखमींना मदत केली.
परभणी येथील कुटुंब विवाहा सोहळ्यासाठी अलीबागकडे स्कॉर्पिओमध्ये बसून निघाले होते. पहाटेच्या दरम्यान त्यांची गाडी पाटोदा जवळील येवलवाडी नजीक आली. या वेळी अचानक गाडी रस्त्याच्या खाली उतरून पलटी झाली. गाडीने दोन ते तीन पलट्या खाल्ल्या. सदरचा अपघात हा चालकाला डुलकी लागल्यामुळे झाला असावा, असा कयास काढला जात आहे. या अपघातात अजय अशोक भारती (रा. परभणी) हे जागीच ठार झाले. तर चार जण जखमी झाले असून जखमींना नजीकच्या रुग्णालयात उपचारासाठी दाखल करण्यात आले आहे. घटनास्थळी पाटोदा पोलिस ठाण्याचे पीआय रामचंद्र पवार यांच्यासह त्यांचा फौजफाटा दाखल होऊन घटनेची माहिती घेत अपघातग्रस्तांना मदत केली.
विवाहा कार्याला जाणारी स्कॉर्पिओ पलटली, एक ठार, चार जखमी
