बीड (रिपोर्टर) शहरातील छत्रपती संभाजी महाराज क्रीडांगणावर कृषी प्रदर्शनाचे आयोजन करण्यात आले असून हे कृषी प्रदर्शन पाहण्यासाठी आज शालेय विद्यार्थ्यांसह नागरिक, महिलांनी मोठी गर्दी केली होती. शेतकर्‍यांसाठी हे कृषी प्रदर्शन एक प्रकारचे वरदानच आहे.
श्री स्वामीसमर्थ सेवा मार्गाच्या वतीने बीड येथे मराठवाडा कृषी महोत्सवाचे आयोजन करण्यात आले आहे. याचे उद्घाटन काल झाले असून आज महोत्सवाचा दुसरा दिवस आहे. महोत्सव पाहण्यासाठी शालेय विद्यार्थ्यांसह नागरिकांनी मोठी गर्दी केली होती. महोत्सवात विविध स्टॉल लावण्यात आलेले आहेत.
