बीड (रिपोर्टर) शहरातील जुना धानोरा रोड परिसरात चोरीची घटना घडली. चोरट्यांनी घरातील तीस हजार रुपयांचा ऐवज लंपास केला. या प्रकरणी शिवाजीनगर पोलीस ठाण्यामध्ये अज्ञात चोरट्याविरोधात गुन्हा दाखल करण्यात आला. घटनास्थळी पंचनामा करण्यासाठी पोलीस दाखल झाले होते.
प्रवीण सुभाष ढास (वय 30 वर्षे, रा. जुना धानोरा रोड, बीड) यांच्या घराचा कडीकोंडा तोडून चोरट्याने आतमध्ये प्रवेश केला. आतील 30 हजार रुपयांचा ऐवज लंपास केला. सदरील चोरीचा प्रकार ढास यांच्या निदर्शनास आल्यानंतर त्यांनी याबाबत शिवाजीनगर पोलीस ठाण्यात तक्रार दाखल केली. त्यानुसार अज्ञात चोरट्याविरोधात गुन्हा दाखल करण्यात आला आहे.
धानोरा रोड परिसरात घरफोडी; 30 हजार रुपयांचा ऐवज पळविला
