माजलगांव (रिपोर्टर)ः- झोपेत असलेल्या बापाच्या डोक्यात मुलाने खोर्‍याचं तुंब मारुन गंभीररित्या गंभीर जखमी केले. जखमी अवस्थेत रुग्णालयात घेवून जात असतांना पित्याचा मृत्यु झाला. ही घटना टाकरवण येथे पहाटे चार वाजण्याच्या दरम्यान घडली. या घटनेेने माजलगांव तालुक्यात खळबळ उडाली. खुनाचा कारण स्पष्ट झालं नव्हतं. आरोपीला माजलगांव पोलीसांनी अटक केली.
मारोती लक्ष्मण भुंबे वय-55 वर्षे रा.टाकरवण ता.माजगांव हे पहाटे झोपेत असतांना त्यांच्या डोक्यात त्यांचा मुलगा बाळू उर्फे लक्ष्मण मारोती भुंबे वय-31 वर्षे यांने डोक्यात खोर्‍याचं तुंब मारलं यात ते गंभीररित्या जखमी झाले. त्यांना उपचारार्थ रुग्णालयात घेवून जात असतांना त्यांचा मृत्यु झाला. बाळू भुंबे हा गेल्या आठ दिवसापासून गायब होता. याबाबत त्याची तक्रार माजलगांव पोलीस ठाण्यात दाखल करण्यात आली होती. त्याचा शोध नातेवाईक घेत होते. मात्र पहाटे तो घरी आला व झोपेत असलेल्या बापच्या डोक्यात त्यांने खोर्‍याच्या तुंब मारुन खून केला. या घटनेने माजलगांव तालुक्यात एकच खळबळ उडाली. ग्रामीण पोलीस ठाण्याचे पोलीस निरीक्षक बालक कोळी, सहाय्यक पोलीस निरीक्षक योगेश खटकळ, सचिन दाभाडे, खराडे यांनी घटनास्थळी धाव घेवून आरोपीला ताब्यात घेतले. सदरील खुनाचे कारण समोर आले नसले तरी बाळू हा मनोरुग्ण असल्याचे बोलले जाते.
