बीड (रिपोर्टर) लिंबागणेश रोडवर गतीरोधक नसल्याने वाहनधारक भरधाव वेगाने वाहने चालवत असल्याने सतत अपघात होत आहेत. शाळेसमोर आणि इतर ठिकाणी गतीरोधक बसवावे, या मागणीसाठी आज गावकरी रस्त्यावर उतरले होते. रास्ता रोको आंदोलन करून आपल्या मागणीचे निवेदन गावकर्‍यांनी प्रशासकीय अधिकार्‍यांना दिले. या आंदोलनामुळे काही वेळ वाहतूक ठप्प झाली होती.
सार्वजनिक बांधकाम विभागाने लिंबागणेश रोडवर गतीरोधक बसविलेले नाही. मागणी करूनही संबंधित विभागाने याकडे दुर्लक्ष केले. वाहनधारक भरधाव वेगाने वाहने चालवत असल्याने अपघात होऊ लागले. गावात रस्त्यावर शाळा असल्या विद्यार्थ्यांच्या जिविताला धोका निर्माण होण्याची शक्यता आहे. गतीरोधक बसवावे या मागणीसाठी गावकरी आक्रमक झाले असून आज गावातील लोकांनी रस्त्यावर उतरून रास्ता रोको आंदोलन केले. या आंदोलनामुळे महामार्गावरील वाहतूक काही वेळ ठप्प झाली होती.
रस्त्यावर गतीरोधक बसवा; गावकर्‍यांचे रस्ता रोको आंदोलन
