सिरसाळा (रिपोर्टर) :- भरधाव वेगात निघालेल्या कंटेनरने दुचाकीला जोराची धडक दिल्याने यामध्ये दुचाकीस्वार जागीच ठार झाल्याची घटना आज सकाळी परळी-बीड रोडवर घडली आहे.
इरफान इब्राहीम पठाण (वय 20) हा तरुण आज सकाळी आपल्या मोटारसायकलवर जात असताना परळी-बीड रोडवरील नीलकमल हॉटेल समोर त्याच्या मोटारसायकलला कंटेनरने जोराची धडक दिली. या अपघातात इरफान पठाण हा जागीच ठार झाला. घटनेची माहिती पोलिसांना झाल्यानंतर पोलिसांनी घटनास्थळी येऊन पंचनामा केला. या प्रकरणी कंटेनर चालकास ताब्यात घेण्यात आले असून संबंधिताविरोधात गुन्हा दाखल करण्यात आला आहे. अपघात इतका भीषण होता की, तरुण जागीच ठार झाला. मृतदेहाचे शवविच्छेदन येथील रुग्णालयात करण्यात येणार आहे.
सिरसाळयात परळी बीड रोडवर अपघात दुचाकीस्वार जागीच ठार
