पाठक मंगल कार्यालयासमोर घडली आज सकाळी घटना
बीड (रिपोर्टर)- दुकानातून घराकडे निघालेल्या एका 29 वर्षीय तरुण व्यावसायिकाला अज्ञात वाहनाने जोराची धडक दिल्याने या अपघातात सदरील तरुण ठार झाल्याची दुर्दैवी घटना आज सकाळी तळेगाव रोडवरील पाठक मंगल कार्यालयासमोर घडली.
अमोल चौरे (रा. तळेगाव) यांचे याच परिसरामध्ये स्टीलचे दुकान आहे. आज सकाळी ते दुकानावरून घराकडे पायी जात होते. पाठीमागून आलेल्या अज्ञात वाहनाने त्यांना जोराची धडक दिल्याने ते गंभीररित्या जखमी झाले. त्यांना उपचारार्थ जिल्हा रुग्णालयात दाखल करण्यात आले होते. मात्र त्यांचा मृत्यू झाला. या घटनेने तळेगाव रोड परिसरात हळहळ व्यक्त केली जात आहे.
