Saturday, November 27, 2021
No menu items!
HomeUncategorizedबीडमध्ये शिक्षकाच्या घरी धाडसी चोरी ७ लाखांचा ऐवज लंपास; शहरात भीती

बीडमध्ये शिक्षकाच्या घरी धाडसी चोरी ७ लाखांचा ऐवज लंपास; शहरात भीती


बीड (रिपोर्टर)- रात्रीचे जेवण करून घरात झोपलेल्या शिक्षकाच्या घराला लक्ष करत अज्ञात चोरट्याने हॉलचा कडीकोंडा तोडून आतमध्ये प्रवेश करत घरामधून रोख रकमेसह सोने-चांदीच्या दागिन्यांची जबरी चोरी केल्याची घटना बीड शहरातील पिंपरगव्हण रोडवरील श्री श्री रविशंकर मतिमंद शाळेजवळ ९ नोव्हेंबरच्या पहाटे घडली. चोरट्यांनी या शिक्षकासह अन्य एकाच्या घराचे कुलूप तोडून नगदी रोख रकमेसह सोन्या-चांदीचे दागिने चोरून नेले. ७ लाख ५५ हजार ६०० रुपयांचा ऐवज चोरून नेल्याच्या घटनेने या परिसरामध्ये प्रचंड भीतीचे वातावरण निर्माण झाले असून घटनास्थळी शिवाजीनगर पोलिसांनी श्वानपथकासह भेट दिली.


बीड शहरात गेल्या काही दिवसांपासून छोट्या-मोठ्या चोर्‍यांसह जबरी चोर्‍यांच्या घटनेत वाढ होत असून ९ नोव्हेंबरच्या पहाटे शहरातील पिंपरगव्हण रोड लगत असलेल्या श्री श्री रविशंकर मतिमंद शाळेजवळ दोन घर फोडल्याची घटना घडली. संतोष गोपीनाथ मेहेत्रे (वय ४२) हे शिक्षक आपल्या परिवारासह रात्रीचे जेवण करून झोपले असता अज्ञात चोरट्यांनी मेहेत्रे यांच्या हॉलचा कडीकोंडा तोडून आत प्रवेश केला. हॉलमध्ये असलेल्या कपाटाचे लॉक तोडून चोरट्यांनी आतमधील राणी हार, मोहळ माळ, लॉकेट, कानातील रिंग, झुंबर, देवाची सटवाई, मणिमंगळसुत्र, कानातील जोड सह २५ हजार रोख रक्कम व मेहेत्रे यांच्या मेहुण्याचे गंठण, लॉकेट, अंगठी, कानातील वेल, कानातील झुंबर, कानातील फुलांसह सोने-चांदीचे दागिने लुटून नेले. याच गल्लीत राहणारे अजयकुमार उद्धवराव धोंगडे यांच्या घराचे कुलूप तोडून चोरट्यांनी त्यांच्या घरातूनही सोन्याची अंगठी, रोख रक्कम असा ऐवज चोरला. ९ नोव्हेंबरच्या रात्री या परिसरात चोरट्यांनी दोन घर फोडून मेहेत्रे यांच्या घरातला ७ लाख ३४ हजार रुपयांचा ऐवज लुटून नेला तर धोंगडे यांच्या घरातून २१ हजार रुपयांचा ऐवज लुटल्याची घटना घडली. सदरची चोरी काल सकाळी मेहेत्रे कुटुंब झोपेतून उठल्यानंतर उघडकीस आली तेव्हा त्यांनी शिवाजीनगर पोलिसांना घटनेची माहिती दिली असता काल शिवाजीनगर पोलीसांनी घटनास्थळी जावून पंचनामा केला. श्वान पथकाला पाचारण केले. वरिष्ठ अधिकार्‍यांनीही घटनास्थळी भेट दिली. या प्रकरणी अज्ञात चोरट्या ंविरोधात गु.र.नं. ३९२/२०२१ कलम ४५७, ३८० भा.दं.वि.नुसार गुन्हा दाखल करण्यात आला आहे.

उमरद खालसा येथे
दोन दुकाना फोडल्या

पिंपळनेर पोलीस ठाण्याच्या हद्दीत असलेल्या उमरद खालसा येथील एक किराणा आणि कापडाचे असे दोन दुकान रात्री अज्ञात चोरटट्यांनी फोडून आतील काही माल चोरून नेला. सकाळी दुकान मालकांना आपल्या दुकानात चोरी झाल्याचे निदर्शनास आल्यानंतर याबाबत पिंपळनेर पोलिसांना कळवण्यात आले आहे. त्यानुसार पोलिसांनी घटनास्थळी येऊन पंचनामा केला. याप्रकरणी दुपारपर्यंत गुन्हा दाखल नव्हता.

Most Popular

error: Content is protected !!