विवस्त्र महिलेच्या दोषींना अटक करा
नसता डीवायएसपी कार्यालयाला कुलूप ठोकतो
छापता…छापता… अखेर आंबेडकरांनी
डीवायसपी कार्यालयाला कुलूप ठोकले
आष्टी (रिपोर्टर)- तालुक्यातील वाळुज येथील एका महिलेला विवस्थ करण्यात आल्याचा खळबळजनक प्रकार घडल्यानंतर या प्रकरणी संबंधितांविरोधात गुन्हे दाखल झालेले आहेत. या आरोपींना तात्काळ अटक करण्यात यावी या मागणीसाठी आज वंचीत बहुजन आघाडीचे अॅड. प्रकाश आंबेडकर हे आष्टीमध्ये आले आहेत. पोलीस प्रशासन आणि अॅड. आंबेडकर यांच्यामध्ये चर्चा सुरू आहे. शेवटचे वृत्त हाती आले तेव्हा आंबेडकरांनी डीवायएसपी कार्यालयाला कुलूप ठोकले होते.
गेल्या काही दिवसांपूर्वी वाळुज येथे जमिनीच्या वादातून एका महिलेस विवस्त्र करण्यात आले होते. (पान 7 वर)
या घटनेने एकच खळबळ उडाली होती. या प्रकरणी आ. सुरेश धस यांच्या पत्नी प्राजक्ता धस यांच्यासह अन्य काही लोकांविरोधात आष्टी पोलीस ठाण्यात गुन्हे दाखल करण्यात आलेले आहेत. गुन्हे दाखल होऊनही संबंधितांना अटक करण्यात येत नसल्याने आरोपींना अटक करावी या मागणीसाठी दस्तुरखुद्द वंचीत बहुजन आघाडीचे अॅड. प्रकाश आंबेडकर हे आष्टी शहरात आले असून आरोपींना अटक न केल्यास ते डीवायएसपी कार्यालयाला कुलूप ठोकणार आहेत. सध्या पोलीस प्रशासन आणि आंबेडकर यांच्यात चर्चा सुरू होती.
