बीड (रिपोर्टर)- बीड तालुक्यातील लिंबागणेश येथील एका शेतकर्‍याचे पाच लाखांचे सोयाबीन आज पहाटे जळाले आहे. सदरील शेतकर्‍याने चौदा एकर शेतातून सोयाबीन काढून एकत्रितपणे जमा करून ठेवले होते. ज्या ठिकाणी सोयाबीन होते त्या ठिकाणी विजेची तार नसतानाही सोयाबीन जळाले कसे? असा प्रश्‍न उपस्थित होत आहे.
रमेश बाबूराव घोलप यांनी आपल्या शेतातील सोयाबीन काढून त्याची गंज लावून ठेवली होती. आज पहाटेच्या दरम्यान सदरील सोयाबीनला आग लागल्याचे निदर्शनास आले. या आगीमध्ये घोलप यांचे पुर्ण सोयाबीन जळून खाक झाले असून यात त्यांचे पाच लाख रुपयांचे नुकसान झाले. सोयाबीन जळले की जाळण्यात आले? असा प्रश्‍न उपस्थित होत आहे.
