कल्याण – उल्हासनगर मधील हिल पोलीस ठाण्यात शुक्रवारी रात्री भाजपचे कल्याण पूर्वचे आमदार गणपत गायकवाड आणि शिवसेनेचे शिंदे गटाचे कल्याण पूर्व विभागाचे शहरप्रमुख महेश गायकवाड यांच्यात शाब्दिक बाचाबाची झाली झाली. यावेळी आमदार गणपत गायकवाड यांनी महेश गायकवाड आणि त्यांच्या समर्थकांवर गोळीबार केल्याची घटना घडली आहे.या गोळीबारात शिवसैनेचे महेश गायकवाड सह अन्य एक जखमी झाले आहेत त्यांना तात्काळ उपचारासाठी रुग्णालयात दाखल करण्यात आले आहे .तर भाजपा आमदार गणपत गायकवाड यांना अटक करण्यात आली आहे .भाजपा आमदार यांच्या कडूनच गोळीबार सारख्या घटना घडत असतील तर राज्यात कायदासुवेवस्था कशी असेल अश्या संतप्त प्रतिक्रिया राज्यभरातून येत आहेत
या घटनेने राजकीय वर्तुळात खळबळ उडाली आहे. महेश गायकवाड यांना पाच गोळ्या आणि त्यांच्या एका समर्थकाला गोळ्या लागल्याची माहिती प्रत्यक्षदर्शीने माध्यमांना दिली. आमदार गायकवाड आणि शहरप्रमुख महेश गायकवाड शुक्रवारी रात्री हिललाईन पोलीस ठाण्याचे वरिष्ठ निरीक्षक अनिल जगताप यांच्या दालनात बसले होते. त्यावेळी आमदार गायकवाड, शहरप्रमुख यांच्यात बोलाचाली झाली.यावरून संतप्त झालेल्या आमदारांनी महेश यांच्यावर गोळीबार केल्याची माहिती प्रत्यक्षदर्शींने दिली.
गेल्या वर्षभरापासून दोन्ही गायकवाड गटात कल्याण पूर्वेतील विधानसभेच्या उमेदवारीवरून रस्सीखेच सुरू आहे. एकमेकांना लक्ष्य करण्याची एकही संधी दोघेही सोडत नाहीत. त्या वैमनस्यातून हा प्रकार घडला असण्याचा प्राथमिक संशय व्यक्त केला जात आहे. वरिष्ठ पोलीस अधिकार्यांनी या घटनेला दुजोरा दिला. विस्तृत माहिती देण्यास पोलीस नकार देत आहेत. आमदार गायकवाड यांना पोलीस ठाण्यात बसून ठेवण्यात आले आहे. शहरप्रमुख गायकवाड यांच्यावर रुग्णालयात उपचार सुरू आहेत. या गोळीबारात शिवसैनेचे महेश गायकवाड सह अन्य एक जखमी झाले आहेत त्यांना तात्काळ उपचारासाठी रुग्णालयात दाखल करण्यात आले आहे .तर भाजपा आमदार गणपत गायकवाड यांना अटक करण्यात आली आहे .भाजपा आमदार यांच्या कडूनच गोळीबार सारख्या घटना घडत असतील तर राज्यात कायदासुवेवस्था कशी असेल अश्या संतप्त प्रतिक्रिया राज्यभरातून येत आहेत