केज, (रिपोर्टर)ः- समाजामध्ये माणुसकी आहे की नाही, असा प्रश्न आज निर्माण होवू लागला. काही काही माणसं इतकं निर्दयीपणे वागतात, याचेच एक जीवंत उदाहरण केजमध्ये दिसून आले. एका वयोवृध्दाला संभाळण्याऐवजी त्यास नातेवाईकांनी केज बसस्थानकासमोर आणून सोडले आहे. या वयोवृध्दास उठता-बसता येत नाही ते एका जागेवर पडून आहेत. सामाजिक कार्यकर्त्यांनी याची दखल घेण्याची मागणी केली जावू लागली आहे.
समाजात असे काही माणसे असतात त्यांना माणसाची किंमत नसते तर काही माणसं अशी असतात ते माणूसकी जागृत करणारे असतात. केज शहरातील बसस्थानकासमोर एका वयोवृध्दास त्यांच्या नातेवाईकांनी आणुन सोडले आहे. संभाळण्याची कटकट नको म्हणुन वृध्दाला आणून सोडल्याचे दिसून येत आहे. सदरील हे वयोवृध्द शरिराने पुर्णपणे थकलेले आहे. त्यांना चालता येत नाही. तिथेल नागरीक या वयोवृध्दास खाण्या पिण्यासाठी देत आहेत. या वयोवृध्दाला निदान वृध्दाश्रमात तरी सोडण्याचे दायित्व समाज सेवकासह प्रशासनाने दाखवायला हवे.
