केजमध्ये आतापर्यंत पाच जणांची उमेदवारी दाखलमाजलगावमधूनही 10 अर्ज झाले दाखल

केज/माजलगाव (रिपोर्टर): 22 ऑक्टोबरपासून उमेदवारी अर्ज दाखल करण्यास सुरुवात झाली. दररोज काही अपक्ष उमेदवार आपले अर्ज दाखल करत आहेत. केजमदून आतापर्यंत 5 जणांनी आपले अर्ज दाखल केले. त्यामध्ये नमिता मुंदडा, पृथ्वीराज साठे यांचा समावेश आहे तर माजलगावमधून 10 जणांनी आपले अर्ज दाखल केले आहेत.
उमेदवारी अर्ज दाखल करण्याची शेवटची तारीख 29 ऑक्टोबर आहे. 22 ऑक्टोबरपासून उमेदवारी अर्ज दाखल करण्यास सुरुवात झाली. केज मतदारसंघातून 10 अर्ज विक्री झाले असून आज दुपारपर्यंत या मतदारसंघासाठी पाच जणांचे अर्ज दाखल झालेले आहेत. काल भाजपाकडून नमिता मुंदडा, पवारांच्या राष्ट्रवादीकडून पृथ्वीराज साठे, सपना सुरवसे, सतीश वाघमारे यांच्यासह अन्य एक अशा पाच जणांनी अर्ज भरले. माजलगावमधून 10 जणांनी अर्ज दाखल केलेले आहेत. त्यात फुलचंद बाबरी मुंडे, माधव निर्मळ, शेख तौसिफ अब्दुल सत्तार, सादेक इब्राहीम पठाण, समशेर पठाण, क्षीरसागर शोभा यांचे अर्ज आलेले आहेत.