मस्साजोग शिवारातील घटना
मस्साजोग (रिपोर्टर): केज ते मांजरसुंबा राष्ट्रीय महामार्गा लगत असलेल्या मस्साजोग शिवारात भीषण अपघात दिनांक 21 नोव्हेंबर गुरुवार सायंकाळी 9 वाजण्याच्या सुमारास झाला. या अपघातात बालाजी मनोहर केदार वय 20 वर्षे रा. सांगवी ता. केज हा जागीच ठार झाला तर ओम खंदारे वय 22 रा. कारेगव्हाण गंभीर रित्या जखमी झाले आहेत.
बालाजी केदार आणि ओम खंदारे हे दोघे टू व्हीलर वर मस्साजोग वरून सांगवी कडे जात असताना मस्साजोग पासून दीड किलोमीटर अंतरावर असणार्‍या मस्साजोग शिवारात अज्ञात वाहनाने पाठीमागून मोटारसायकल जबर धडक दिली. या अपघातात बालाजी मनोहर केदार या तरुणाचा जागीच दुर्दैवी मृत्यू झाला तर ओम खंदारे हा युवक गंभीर जखमी झाल्याची घटना घडली आहे. गंभीर जखमी खंदारे यास केज येथील शासकीय रुग्णालयात तात्काळ हलवण्यात आले आहे. हा अपघात नेमका कसा घडला हे अद्याप स्पष्ट झाले नाही. घटनास्थळी पोलीस दाखल झाले त्यांनी घटनेचा पंचनामा करून पुढील कारवाई सुरू केली आहे. या घटनेने मात्र सर्वत्र हळहळ व्यक्त होत आहे.
